Pelbiaren eta orokorrean gorputzaren uretako prestakuntza da. Erditzean parte hartzen duten giharrak, tendoiak eta ligamentuak lantzen dituen programa da. Gorputzeko atal guzti horiek lantzean erditze lana eta erditzeko posturak errazten dira.

AIPAP metodoan espezializatutako emagin batek antolatu, diseinatu eta koordinatutako saioak dira eta saio guztiak emagin batek ematen ditu.

ONURAK:

• Erditze normal bat (eutozikoa) izateko aukera gehiago dago. Metodo honekin prestatzen diren emakumeen %98ak erditze normal bat izan ohi du.
• Urak eskaintzen duen flotazioak eta mugimenduak eta flexibilitatea errazten ditu.
• Indarra, elastizitatea eta zirkulazioa hobetzen dira.
• Haurraren garuneko garapenean laguntzen du.
• Haurdunaldiko diabetea eta hipertentsioa izateko arriskua gutxitzen ditu.
• Haurdunaldian jasan ohi diren molestiak (lunbarretako mina, ziatika,… ) arintzen ditu.
• Endorfina gehiago askatzen da eta horrek haurraren eta emakumearen ongizatean eragin positiboa du.